مـاا نكتب شعر وانـورّج الناس

مـاا نكتب شعر وانـورّج الناس
قسـه ويانه الحـزن خلاّنه نكتب

كتبنـه وبالشعر ماردنه مبـلغ مال
رسالة وردنة توصل گـلب الانحب

مرّات ابدمع من نكتب و خـوف
ومـرات الفرح فوك الورق ينصب

تألمـنة الجـروح ونرســم اعياد
ونفرح الحبايب شــرط نتـعذّب

كتـبنه اعـله الفرح بعناد شمـّات
مـن چانت خنـاجر بالضهر تلعب

وزرعنة اعله الورق ضحكات أطفال
سگينـاهة بدمـع والصـبر مايتعب
*******
أسمعني يالـ قنديل
بطعنة من الوكت وبصفة موت
شفت الكَلب من الكَلب يشعر
.
مو شاعر ولا رايد بالشعر جاه
من يفور الدم الحجي يتسطر
.
ودموعي تكتب ع خدي أبيات
قبل القلم من يكتب على الدفتر
.
دنيا وما شفنه بيها راحة بال
حزن يكَل الحزن آنه منك أكبر
.
كضيناها مكاون ويه الهموم
والكَلب كل ثلث أوكات يتفطر
.
أكتب حسومي وسمعني الإبداع
يحرسك ربي حبيبي من كل شر